تخيل

تخيل كدة معيا،،، أن أنا البتخيل كل دة، كل الدنيا والحياة ده، و أن أنا بتخيلك أو في الحقيقة إنت جزء من خيالي،،، بمعنى إن أنا مش بكلمك دلوقتي، أنا بكلمني،،، أنا متخيل اني بكلمك أو بكتب الكلام دة أو بسمع صوتك بترد عليا أو شايفك قدامي،،، دة كله تخيل من شخصي أو الكائن أنا.

بس دة صعب لأني و أنا بكلمك دلوقتي مش قادر فعلا أتخيل و أخلق العالم كله دة،،، لأ، يبقى أنا و أنت جزء من خيال:

أولا خيال أنا ال في غيبوبة و دماغ ال أنا الحقيقي هي البتتخيل كل دة، و يمكن كمان ال أنا الحقيقي في غيبوبة من عشر سنين ف كل التطور دة جزء من توقعات و ارهاصات ال أنا الحقيقي، ويمكن ال أنا الحقيقي مايكونش ف غيببوبة، يمكن ده اللحظات الأخيرة البعد الواحد ما بيموت، بيقولوا بيبقى في نشاط فالدماغ لمدة دقائق، فيمكن الأنا الحقيقي في فترة النشاط دة، ودة معناه إن هو بيموت، فأنا كمان أموت و بالتالي كل ال عالم دة يختفي. و بيقولوا أن الواحد في الفترة ده ممكن يشوف حياته كلها بتمر من أدم عينه. فلبيحصل دلوقتي أصلاً حصل قبل كدة في حقيقة ال أنا الحقيقي و احنا مجرد إعادة تخيل حقيقة ال أن الحقيقي.

ثانياً إن أنا و العالم البكلمك منه دة، تخيلك إنت،،، إنت بتتخيلني و بتخليني أتكلم و اتحرك و يبقى شكلي كدة و خلتني أتخيل كل الحولية دة. أو مثلا أنا و إنت الحلم بتاع إنت الحقيقي النايم ساعتين بعد الضهر كدة في يوم اجازة. احنا مجرد حلم و مش هنبقى واعين بنفسنا عشان إنت الحقيقي هتصحى و مش هنبقى فوعيك.

طب تخيل مثلا إن أنا و أنت أصلا حلم أو خيال كائن تاني فراشة مثلا. بلاش كائن فضائي متطور قاعد بيتفرج علينا من ميكروسكوب عشان احنا في حجم الميكروبات بالنسبة له و قاعد بيجرب فينا و احنا مش مدركين دة. في الحالة ده احنا أشخاص حقيقين بس بالمقارنة احنا للكائن ده ذي الميكروبات لينا،،، ممكن يكون الكائن دة مستكشف لعالمنا،،، أو هو بيتخيلنا و بيتخيل عالمنا ذي ما احنا بنتخيل أو بنفكر في كائنات فضائية، و ياسلام لو في كائنات كتير ذي الكائن دة،،، دة معناه إن الكائنات ده بتتخيلنا في عوالم تانية لا نهائية موازية لنا، في منها ال في نفس زمنا، في الخلص و إنتهى و في ال لسة هيبقى.

بس في مشكلة بسيطة أنا دماغي و صوتها و وعيي و إدراكي رافض لأي أطروحة بترفض وجودي ككائن واعي مدرك،،، أكيد مش هنفي وجودي و أبقى عدم ونا بكلمك و إنا قاعد على الشيزلونج قدامك، لأن كدة يبقى مفش أي شيء حقيقي، و دة بينفي وجودي ال أصلا وجدك!!! طيب يبقى أنا موجود و مدرك و حقيقي، يبقى يا أنا بس الموجود و بتخيلك إنت و الناس و ال بلاد و الكواكب و العالم دة،،، يا أنا و إنت موجودين مدركين و واعين مراقبين من كائن أو كائنات تانية كتير و ممكن يبقى في عوالم تانية كتير.

تخيلتم؟؟؟ طيب.

#هلاوس

#تخيل